اسلام آباد :پاکستان پیپلز پارٹی کے چیئرمین بلاول بھٹو زرداری نے سینیٹر شیری رحمٰن کو سینیٹ میں پارلیمانی لیڈر نامزد کردیا۔
چئیرمین سینیٹ یوسف رضا گیلانی نے سینیٹر شیری رحمن کو پارلیمانی لیڈر نامزدگی پر مبارکباد دیتے ہوئے امید ظاہر کی سینیٹر شیری رحمٰن ایوان بالا کی قانون سازی میں اہم کردار ادا کرتی رہیں گی۔ انہوں نے کہا کہ ہائوس آف فیڈریشن کا ملکی مسائل پر پالیسی سازی میں اہم فورم ہے، سینیٹر شیری رحمٰن اپنی صلاحیتوں کو بروئے کار لاکر عوامی مسائل کو اجاگر کریں گی۔
